އަހަރަކު އެއްފަހަރު ބާއްވަމުން ގެންދާ ސެމްކާގެ އެޑްވައިޒަރީ ކައުންސިލްގެ ބައްދަލުވުން 1 ޑިސެމްބަރ 2009 ގައި ބަނޑޮސް އައިލަންޑް ރިސޯރޓްގައި ބާއްވައިފިއެވެ. މި ބައްދަލުވުންތަކުގެ މައިގަނޑު ބޭނުމަކީ މެމްބަރު ޤައުމުތަކުގައި ތަޢުލީމީ ދާއިރާއިން ކުރެވިފައިވާ މުހިންމު ކަންތައްތައް ހާމަކޮށްދިނުމާއި ކުރިއަށް އޮތް އަހަރަށް ރޭވިފައިވާ ޚާއްސަ ކަންތައްތަކާއިބެހޭ ގޮތުން މަޝްވަރާކޮށް ޚިޔާލު ބަދަލުކުރުމެވެ.
މިިއަހަރުގެ ބައްދަލުވުމުގައި ރާއްޖެއިން އެންމެ ފާހަގަ ކުރެވުނު މަސައްކަތަކީ ރާއްޖޭގައި އައި-ރޭޑިއޯ ޤާއިމް ކުރުމަށް ކުރެވުނު މަސައްކަތެވެ. އަދި ކުރިއަށް އޮތް އަހަރު އައި-ރޭޑިއޯ އަކީ ތަޢުލީމީ ރޭޑިއޯ އެއްގެ ގޮތުގައި ފުޅާކުރުމަށް ކުރެވިދާނެ ކަންތައްތަކާއިބެހޭ ގޮތުންވެސް މަޝްވަރާ ކުރެވުނެވެ.
ސެމްކާ އަކީ ކޮމަންވެލްތް އޮފް ލާރނިންގ ގެ މީޑިއާ ސަރވިސް އެއްގެ ގޮތުގައި ވިއުގައެއްގެ ތެރޭގައި މަޢުލޫމާތު ބަދަލުކުރުމުގެ މަސައްކަތް ކުރެވެމުންދާ ޖަމާއަތެކެވެ. އަދި ސެމްކާގެ އެޑްވައިޒަރީ ކައުންސިލް އަކީ މެމްބަރު ޤައުމު ތަކުގައި ހިމެނޭ މައިގަނޑު އޯޕަން ލާރނިންގ އިންސްޓިޓިއުޝަން ތަކުގެ މަންދޫބުން ހިމެނިގެން ސެމްކާގެ މައިގަނޑު ޕޮލިސީތައް އުފެއްދުމުގައި ލަފާ ދިނުމަށާއި މަޝްރޫޢުތައް ހިނގާ ނުހިނގާ ގޮތް ބެލުމަށްޓަކައި އުފެދިފައިވާ ކައުންސިލް އެކެވެ.
ސެމްކާގެ ޗެއަރޕާރސަން (އަދި ކޮލް ގެ ރައީސް އަދި ސީ.އީ.އޯ.) ސަރ ޖޯން ޑެނިއަލް އަދި ސެމްކާގެ މެމްބަރެއް ކަމުގައިވާ މިނިސްޓަރ އޮފް އެޑިއުކޭޝަން ޑރ. މުޞްޠަފާ ލުޠުފީ ވެސް މި ބައްދަލުވުމުގައި ބައިވެރިވެވަޑައިގެންނެވިއެވެ.
މިިއަހަރުގެ ބައްދަލުވުމުގައި ރާއްޖެއިން އެންމެ ފާހަގަ ކުރެވުނު މަސައްކަތަކީ ރާއްޖޭގައި އައި-ރޭޑިއޯ ޤާއިމް ކުރުމަށް ކުރެވުނު މަސައްކަތެވެ. އަދި ކުރިއަށް އޮތް އަހަރު އައި-ރޭޑިއޯ އަކީ ތަޢުލީމީ ރޭޑިއޯ އެއްގެ ގޮތުގައި ފުޅާކުރުމަށް ކުރެވިދާނެ ކަންތައްތަކާއިބެހޭ ގޮތުންވެސް މަޝްވަރާ ކުރެވުނެވެ.
ސެމްކާ އަކީ ކޮމަންވެލްތް އޮފް ލާރނިންގ ގެ މީޑިއާ ސަރވިސް އެއްގެ ގޮތުގައި ވިއުގައެއްގެ ތެރޭގައި މަޢުލޫމާތު ބަދަލުކުރުމުގެ މަސައްކަތް ކުރެވެމުންދާ ޖަމާއަތެކެވެ. އަދި ސެމްކާގެ އެޑްވައިޒަރީ ކައުންސިލް އަކީ މެމްބަރު ޤައުމު ތަކުގައި ހިމެނޭ މައިގަނޑު އޯޕަން ލާރނިންގ އިންސްޓިޓިއުޝަން ތަކުގެ މަންދޫބުން ހިމެނިގެން ސެމްކާގެ މައިގަނޑު ޕޮލިސީތައް އުފެއްދުމުގައި ލަފާ ދިނުމަށާއި މަޝްރޫޢުތައް ހިނގާ ނުހިނގާ ގޮތް ބެލުމަށްޓަކައި އުފެދިފައިވާ ކައުންސިލް އެކެވެ.
ސެމްކާގެ ޗެއަރޕާރސަން (އަދި ކޮލް ގެ ރައީސް އަދި ސީ.އީ.އޯ.) ސަރ ޖޯން ޑެނިއަލް އަދި ސެމްކާގެ މެމްބަރެއް ކަމުގައިވާ މިނިސްޓަރ އޮފް އެޑިއުކޭޝަން ޑރ. މުޞްޠަފާ ލުޠުފީ ވެސް މި ބައްދަލުވުމުގައި ބައިވެރިވެވަޑައިގެންނެވިއެވެ.
0 ޚިޔާލު:
Post a Comment