އެހެންޤައުމުތަކަށް ހަމަލާދީފާ ސަލާމަތްވިގޮތަށް އީރާނަށް ހަމަލާދީފައި ސަލާމަތްވާނެކަމަށް ހީނުކުރުމަށް އީރާނުގެ ރައީސް އިންޒާރުކުރައްވައިފި

އެހެންޤައުމުތަކަށް ހަމަލާދީފާ ސަލާމަތްވިގޮތަށް އީރާނަށް ހަމަލާދީފައި ސަލާމަތްވާނެކަމަށް ހީނުކުރުމަށް އީރާނުގެ ރައީސް އިންޒާރުކުރައްވައިފި

އެހެންޤައުމުތަކަށް ޙަމަލާދީފާ ސަލާމަތްވިގޮތަށް އީރާނަށް ޙަމަލާދީފައި ސަލާމަތްވާނެ ކަމަށް ހީނުކުރުމަށް އީރާނުގެ ރައީސް އަޙްމަދީ ނެޖާދް އިސްރާއީލަށް އިންޒާރު ކުރައްވައިފިއެވެ. އިސްރާއީލާ އަވަށްޓެރި ސޫރިޔާގައި ވާހަކަ ދައްކަވަމުން ނެޖާދް އިސްރާއީލަށް ގޮވާލެއްވީ ކުރިން ހެދި ގޯސްތައް އަލުން ތަކުރާރު ނުކުރުމަށެވެ. މިގޯސްތައް އަލުން ތަކުރާރުކޮށްފިނަމަ އިސްރާއީލުގެ އަޖަލު ޖެހިދާނެކަން ދަންނަންޖެހޭނެ ކަމަށްވެސް ނެޖާދް ވިދާޅުވިއެވެ. އިސްރާއީލު ގެންދަނީ އީރާނުން ނިއުކްލިޔަރ ހަތިޔާރު އުފެއްދުމަށް މަސައްކަތްކުރާ ކަމަށްބުނެ އީރާނުގެ ނިއުކްލިޔަރ މަރުކަޒުތަކަށް ޙަމަލާދޭންޖެހިދާނެ ކަމުގެ އިންޒާރުތައް ދެމުންނެވެ. އަދި އީރާން އިނދަޖައްސާލަފަދަ ދަތިކުރުމުގެ ހަރުކަށި ފިޔަވަޅުތަކެއް އެޤައުމާ ދެކޮޅަށް އެޅުމަށް ދުނިޔޭގެ ތާޢީދު ހޯދުމަށްވެސް އިސްރާއީލު ގެންދަނީ ބޮޑެތި މަސައްކަތްތަކެއް ކުރަމުންނެވެ.

އައްޑު އަތޮޅުން އިއްޔެ ފެނުނު ކުޑަ މަސްބޯޓަކީ ހާލުގައިޖެހިފައިވާ ސޯމާލިއާގެ މަސްބޯޓެއް ކަމަށް އެމް.އެން.ޑީ.އެފްއިން ވިދާޅުވެއްޖެ

އައްޑު އަތޮޅުން އިއްޔެ ފެނުނު ކުޑަ މަސްބޯޓަކީ ހާލުގައިޖެހިފައިވާ ސޯމާލިއާގެ މަސްބޯޓެއް ކަމަށް އެމް.އެން.ޑީ.އެފްއިން ވިދާޅުވެއްޖެ

އައްޑު އަތޮޅުން އިއްޔެ ފެނުނު ކުޑަ މަސްބޯޓަކީ ހާލުގައިޖެހިފައިވާ ސޯމާލިއާގެ މަސްބޯޓެއް ކަމަށް މޯލްޑިވްސް ނޭޝަނަލް ޑިފެންސް ފޯސްއިން ވިދާޅުވެއްޖެއެވެ. އައްޑު އަތޮޅު ހިތަދޫ ކޯއްޓޭދިމާ އެއްމޭލު ބޭރުން ހަތްމީހުންނާއި އެކު ފެނިފައިވާ މިމަސްބޯޓް މިހާރުވަނީ އެމްއެންޑީއެފް ސަދަން އޭރިއާގެ ބެލުމުގެ ދަށުގައި ކަމަށް އެމްއެންޑީއެފުން މައުލޫމާތުދެއްވައެވެ. އަދި ބޯޓުގައި ތިބި މީޙުންވެސް ތިބީ ސަދަން އޭރިއާގެ ބެލުމުގެ ދަށުގައެވެ. މިބޯޓަކީ އަށާވީސް ފޫޓުދިގު ފައިބަރގްލާސް އަނގަމަތި ބޯޓެކެވެ. ބޯޓުގައި ގިނައަދަދަކަށް މިޔަރުމަހުން ލޮނުމަސްހަދާފައިވާ ކަމަށް އެމްއެންޑީއެފުން މަޢުލޫމާތުދެއްވައެވެ. މޯލްޑިވްސް ނޭޝަނަލް ޑިފެންސް ފޯސްއާއި ފުލުހުން ގުޅިގެންދަނީ މިމައްސަލަ ތަޙްޤީޤް ކުރަމުންނެވެ.

ކުޑަކުދިން ގަނެވިއްކުމުގެ ވިޔަފާރިއާ ދެކޮޅަށް ބޮލީވުޑުން ކެމްޕެއިން ފަށައިފި

އަބިޝެކް އަދި އަމީތާބް

ކުޑަކުދިން ގަނެވިއްކުމުގެ ވިޔަފާރިއާ ދެކޮޅަށް ބޮލީވުޑް ތަރިން ކެމްޕެއިން ކުރަން ފަށައިފި އެވެ.

އެމެރިކާގެ އެމްބެސެޑަރު މެލަނީ ވަރވިއަރ އާއި ފިލްމް ޕްރޮޑިއުސަރު ފީރޯޒް ނަދިއަދްވާލާ އަދި ވިޒްކްރާފްޓް އިންޓަނޭޝަނަލް އެންޓަޓެއިންމެންޓް ކުންފުނިން ފެށި "އަގެއިންސްޓް ޗައިލްޑް ޓްރެފިކިންގ" (އޭސީޓީ)ގައި މިހާރު ވަނީ ބޮލީވުޑް ތަރިން ކަމަށްވާ އަމީތާބް ބައްޗަން، އަބިޝެކް ބައްޗަން، ޕްރިތީ ޒިންތާ، ޝަބާނާ އަޒްމީ، ކެތްރީނާ ކައިފް އަދި ސުނިލް ޝެޓީ ވެސް ބައިވެރިވެފަ އެވެ.

"ކުޑަކުދިން ގަނެވިއްކުމުގެ ވިޔަފާރި އަށް ބައެއް މީހުން ކިޔަނީ 'ބޮންޑަޑް ލޭބަރ'. ކޮންމެ ނަމެއް ކިޔަސް މިއީ ހަމަ އަޅުވެތިކަން. މި ޒަމާނުގައި އެއްވެސް އިންސާނަކު އަނެއް އިންސާނެއްގެ އަޅުވެތިކަމުގައި އުޅެގެން ނުވާނެ،" އަމީތާބް ބުންޏެވެ.

އޭނާގެ ދަރިފުޅު އަބިޝެކް ބުނީ ކުޑަކުދިންނާއި އަންހެނުންނާއި އަދި ފިރިހެނުން ވެސް އަޅުންގެ ގޮތުގައި މިހާރު ގެންގުޅުމަކީ ދުނިޔޭގައި މިހާރު ހިނގަމުން އަންނަ އެންމެ ބޮޑު އެއް ޖަރީމާ ކަމަށެވެ.

"މިއީ ވަކި ދީނަކަށް ނުވަތަ ވަކި ނަސްލަކަށް ނުވަތަ ވަކި ފިކުރަކަށް ޚާއްސަ ވެގެން ވާ ކަމެއް ނޫން. މިއީ ދުނިޔޭގައި މިހާރު އަށަގަންނަމުންދާ ބޮޑު ބަލިމަޑުކަމެއް،" އޭނާ ބުންޏެވެ.

ރުވަންޑާ އަކީ ކޮމަންވެލްތު ގެ މެމްބަރު ގައުމެއްގެ ގޮތުގައި ހަމަޖައްސައިފި.

ރުވަންޑާއަކީ މިހާރު ކޮމަންވެލްތުގެ ފަންސާސް ހަތަރު ވަނަ މެމްބަރެވެ.
މިކަން އިއުލާނު ކޮށްފައިވަނީ ކޮމަންވެލްތުން ކޮންމެ އަހަރަކު ދެފަހަރު ބާއްވާ ސަމިޓު ބައްދަލު ވުމުގެ މިއަހަރުގެ ބައްދަލުވުމުގައެވެ.
ކޮމަންވެލްތުގައި ގިނައިން ހިމެނެނީ ކުރީން އިނގިރޭސީންގެ އިސްތިއުމާރުގެ ދަށުގައި ތިބި ގައުމުތަކެވެ.
ރުވަންޑަ ކޮމަންވެލްތުގެ މެމްބަރު ގައުމެއްގެ ގޮތުގައި ހަމަޖެހުމުން އެކަން ފެނިގެންދަނީ ރުވަންޑާއިންމިހާރު އެގައުމުގެ ލޭއޮހޮރުވުންބޮޑު ތާރީޚުގެ ތެރެއިން އަރައިގަނެވިއްޖެ ކަމުގައި ކަމަށް ހަބަރުތައްބުނެއެވެ.
ރުވަންޑާގެ އިންފޮމޭޝަން މިނިސްޓަރު ލުއީސް މުޝިކިވާބޯ ވިދާޅުވިގޮތުގައި އެގައުމުން ދެކެނީ ރުވަންޑާ ކޮމަންވެލްތުގެ ގައުމަކަށްވީ އެގައުމުން ފަހަކަށް އައިސް ހޯދާފައިވާ ކުރިއެރުމުގެ ސަބަބުންނެވެ.
ރުވަންޑާ ކޮމަންވެލތުގެ ގައުމަކަށްވީ އެގައުމާ ފަރަންސޭސިވިލާތާއި ޑިޕްލޮމެޓިކް ގުޅުން އަލުން ގާއިމު ކުރުމަށް ނިންމި ދުވަހުވެސްމެއެވެ. މިދެގައުމުގެ ދެމެދުގައި ގުޅޫން ކެނޑުނުތާ މިހާރު ވަނީ ތިން އަހަރު ވެފައެވެ.
ނަވާރަސަތޭކެ ނުވަދިހަ ހަތަރު ވަނަ އަހަރު އަށްޑިހަ ހާސް މީހުން މަރާލައި ހިނގި ގަތުލު އާއްމަކަށް ފަހު ކިގާލީ އިން މަސައްކަތް ކޮށްފައި ވަނީ އިގްތިސާދު ބިނާކޮށް ސިޔާސީ ހަމަޖެހުން ގެނެވޭތޯއެވެ.
ކޮމްންވެލްތު ގުރޫޕުގެ އެންމެ އިސް ފަރާތަކަށް ހުންނަވަނީ އިނގިރޭސި ރާނީއެވެ

އީރާނުގައި ޔުރޭނިއަމް މުއްސަނދި ކުރުމަށްޓަކައި އިތުރު ދިހަތަން ހެދުމަށް އީރާނުގެ ސަރުކާރުން އެގައުމުގެ އެޓޮމިކް ހަކަތައާ ބެހޭ ޖަމްއިއްޔާއަށް އަންގައިފ

އީރާނުގައި ޔުރޭނިއަމް މުއްސަނދި ކުރުމަށްޓަކައި އިތުރު ދިހަތަން ހެދުމަށް އީރާނުގެ ސަރުކާރުން އެގައުމުގެ އެޓޮމިކް ހަކަތައާ ބެހޭ ޖަމްއިއްޔާއަށް އަންގައިފިއެވެ

އީރާނުގައި ޔުރޭނިއަމް މުއްސަނދި ކުރުމަށްޓަކައި އިތުރު ދިހަތަން ހެދުމަށް އީރާނުގެ ސަރުކާރުން އެގައުމުގެ އެޓޮމިކް ހަކަތައާ ބެހޭ ޖަމްއިއްޔާއަށް އަންގައިފި ކަމަށް އީރާނުގެ ހަބަރުތައް ބުނެއެވެ. އީރާނުގެ ރަސްމީ ނޫސްއޭޖެންސީ ބުނިގޮތުގައި ޔުރޭނިއަމް މުއްސަދި ކުރުމަށްޓަކައި ހަދާ ފަސްތަނެއް އަޅާނެބިން މިހާރު ވަނީ ކަނޑައަޅާފައިވެއެވެ. އަދި އެތަންތަން ހެދުމުގެ މަސައްކަތް ކުރިއަށް އޮތް ދެމަސް ދުވަހުގެތެރޭ ފެށޭނެއެވެ. އަނެއް ފަސް ތަންވެސް އަޅާނެ އެކަށީގެންވާ ސަރަހައްދުތައް ކަނޑައެޅޭނެކަމަށް އެނޫސް އޭޖެންސީންބުނެއެވެ. އީރާނުން މިކަން އިއުލާނު ކޮށްފައިވަނީ ރައީސް އަހުމަދީން ނެޖާދު ރިޔާސަތުގައި އިންނަވައިގެން ބޭއްވެވި ކެބިނެޓް ބައްދަލު ވުމަކަށްފަހުއެވެ. އަހުމަދީން ނެޖާދު ވިދާޅުވިގޮތުގައި އީރާނުގައި ވިހި ހާސް މެގަވޯޓުގެ ކަރަންޓު އުފައްދާނަމަ ނަތާންޒުގައި ހުރި މަރުކަޒުގައި ބޭނުންކުރާވަރުގެ ފަސްހާސް ސެންޓްރިފިއުޖް ނުވަތަ މާއްދާތައް ވަކިކުރުމަށް ބޭނުންކުރެވޭ އާލާތް ބޭނުންވާނެއެވެ. ނަތާންޒް އަކީ އީރާނުގައި ޔުރޭނިއަމް މުއްސަނދި ކުރެވޭ އެންމެ ބޮޑު ކާރުޚާނާއެވެ. ނެޖާދު ވިދާޅުވިގޮތުގައި ނަތާންޒުގައި މިހާރު ބޭނުންކުރާ އާލާތްތަކަށްވުރެ ހަލުވި މިނެއްގައި މަސައްކަތް ކުރެވޭ އެއްޗެތި އީރާނަށް ބޭނުންވެއެވެ. އީރާނުން ޔުރޭނިއަމް މުއްސަނދި ކުރުމަށް އާ ތަންތަންހަދާ ވާހަކައިގެ އަޑު އިވިގެން މިދިޔައީ އދ ގެ އެޓޮމިކް ހަކަތައާބެހޭ އިދާރާ އައިއޭއީއޭއިން އީރާނަށް ފާޑުކީތާ މާގިނަދުވަހެއް ނުވަނީސްއެވެ. އައިއޭއީއޭ އިން ބުނެފައިވަނީ ޔުރޭނިއަމް މުއްސަނދި ކުރުމަށް އީރާނުންއަލުން ކޯމް އޭ ކިޔާ ރަށް ކައިރީ ހަދާ ތަނުގެ މަސައްކަތް ހުއްޓާލުމަށެވެ. އަލްޖަޒީރާއިން ބުނަނީ އީރާނުންއެންމެ ފަހުން މިކުރި އިއުލާނަކީ ވަރަށް ސާފުކޮށް އެގެންއޮތް ހެން އައިއޭއީއޭގެ ގަރާރަށްދިން ރައްދެއްކަމަށެވެ. މިއީ އައިއޭއީއޭ އިން ތާކުންތާކު ނުޖެހޭ ގަރާރުތައް ފާސްކުރާނަމަ އީރާނުން އެކަހަލަ ކަންތައްތަކަށް ރައްދުދޭނީ ކިހިނެއް ކަން އަންގައިދޭ ރައްދެއް ކަމަށް އަލް ޖަޒީރާބުނެއެވެ. ހަބަރުތައްބުނާގޮތުގައި އައިއޭއީއޭގެ ގަވަރުނަރުންގެ ބޯޑުން ކަންކުރި ގޮތުން ތެހެރާނުންވަނީ ވަރަށް ރުޅި އައިސްފައެވެ. ނެޖާދު މިވިދާޅުވާ އެއްޗަކީ އީރާނުން ރީތިގޮތުގައި ކަންކުރަން މަސައްކަތް ކުރާވަގުތެއްގައި އެކަމަށް އެކަށީގެންވާ އިޖާބަ ނުދޭނަމަ ކުރެވިދާނެ އެހެން ކަންކަންވެސް އެބަހުރިކަން އަންގައިދީފާނަމެވެ. އެޓޮމިކް ހަކަތައާ ބެޙޭ އިދާރާއިން އީރާނަށް ފާޑުކިޔައި ގަރާރު ފާސް ކުރުމުން އީރާނުގެ ގާނޫނުހަދާ މަޖިލީހުގެ މެމްބަރުން ގާތަށްވަނީ ވަރަށް ރުޅި އައިސްފައެވެ. އަދި ރައީސް އަހުމަދީން ނެޖާދު ގާތުން އެދިފައިވަނީ އައިއޭއީއޭއާ ގުޅުން ބަދަހި ނުކުރުމަށެވެ. އެފަރާތްތަކުން ހުކުރު ދުވަހު ނެރުނު ބަޔާނެއްގައި ބުނެފައިވަނީ އައިއޭއީއޭއިން މިފަދަ ގަރާރެއް ފާސްކުރީ އެމީހުންގެ ދެފުށް ދެގޮތް ކަމުންނާއި ސިޔާސީ ވެގެން ކަމަށް ގަބޫލު ކުރާކަމުގައެވެ. އަދި މިފަދަ ކަންކަމުން އެއިދާރާ ދުރުވުމަށް ގޮވާލާފައިވެއެވެ. ހުޅަނގުގެ ގައުމުތަކުން ގަބޫލުކުރަނީ އީރާނުން މަސައްކަތް ކުރަނީ ސިއްރިޔާތުގައި ނިއުކުލިއަރ ހަތިޔާރެއް ހަދަންމަށެވެ. މިގޮތަށް ގަބޫލުކުރާ ފަރާތްތަކުގެ ތެރޭގައި އެމެރިކާވެސް ހިމެނެއެވެ. މިފަރާތްތަކުން ބޭނުންވަނީ އދ މެދުވެރިވެގެން އެމީހުން ތައްޔާރު ކޮށްފައިވާ ހުށަހެޅުމަކާއި އީރާނު ގަބޫލުވާށެވެ. މިހުށަހެޅުމުގައި މަސައްކަތް ކުރަނީ އީރާނުން ނިއުކުލިއަރ ހަތިޔާރެއް ހެދިދާނެ ކަމުގެ ގާބިލްކަންހުރީވިއްޔާ އެކަން ކުރެވޭލެއް ވީހާވެސް ލަސްކުރުމަށެވެ. އަދި އާޚިރުގައި އީރާނުން ޔުރޭނިއަމް މުއްސަދި ކުރުން އެކުގައި ހުއްޓުވާލުމަށެވެ. އީރާނުގެ ނަތާންޒުގައި މިހާރުވެސް ދަށްފެންވަރެއްގައި ތައްޔާރު ކުރެވިފައިހުރި އެއްހާސް ފައްސަތޭކަ ކިލޯގްރާމުގެ ޔުރޭނިއަމް އެބަހުރިކަމަށްވެއެވެ. އދ މެދުވެރިވެގެން ހުށަހަޅާފައިވާ ހުށަހެޅުމުގައި އެދިފައިވަނީ މިތަނުން އެއްހާސް ދުއިސައްތަ ކިލޯގްރާމަށް ވުރެ ގިނަ އަދަދެއް ހަވާލު ކުރުމަށެވެ. އާއްމު ގޮތެއްގައި ގަބޫލު ކުރެވިފައި ވަނީ ހަތިޔާރަކަށް ބޭނުންވާވަރަށް ޔުރޭނިއަމް މުއްސަނދި ކުރަންޏާ ބޭނުން ވާނީ މިއަށްވުރެ މަދު އަދަދެއް ކަމަށެވެ. މިހުށަހެޅުމުގައިވާ ގޮތްތަކާ އީރާނުވަނީ ދެކޮޅު ހަދާފައެވެ. އީރާނުގައި ޔުރޭނިއަމް މުއްސަނދި ކުރުމަށް އިތުރު ތަންތަން އަޅަން ނިންމުމުން ދުނިޔޭގެ ބޮޑެތި ބާރުތަކާއި އީރާނާއި ދެމެދު އީރާނުގެ ނިއުކުލިއަރ ޕްރޮގްރާމާއި ހެދި އުފެދިފައިވާ ނުތަނަވަސްކަން ހައްތާދާނީ އިތުރުވެގެން ކަމަށް ހަބަރުތައް ބުނެއެވެ

ސައޫދީ އަރަބިއްޔާއަށް ކުރި ގަދަ ވިއްސާރައިގައި 48މީހުން މަރުވެއްޖެ.

ސައޫދީ އަރަބިއްޔާއަށް ކުރި ގަދަ ވިއްސާރައިގައި ސާޅީސް އަށް މީހުން މަރުވެފައިވާކަމަށް ޚަބަރުތައްބުނެފިއެވެ. މިމީހުން މަރުވެފައިވަނީ ޖިއްދާއާއި މައްކާއިންނެވެ. އެއީ ޖިއްދާއިން ސާޅީސް ހަތަރު މީހުން އަދި މައްކާއިން ހަތަރު މީހުން. ނުވަސަތޭކަ މީހުން ސަލާމަތްކުރެވިފައިވާކަމަށްވެސް ޚަބަރުތައްބުނެއެވެ. ވާރޭ ވެހުނުލެއް ބޯކަމުން މަދުގަޑިތަކެއްގެތެރޭގައި ނުވަދިހަ މިލިމީޓަރަށް ފެންގަޑުބޮޑުވިކަމަށްވެއެވެ. ގިނަ މީހުން މަރުވީ ގެބިގެންކަމަށް ވެއެވެ. މިގަދަ ވިއްސާރަ ޖިއްދާއަށް ކުރިމަތިވީ ބުދަދުވަހުގެ ހެނދުނުއެވެ.

މިއަހަރު ޙައްޖަށްދިޔަ މީހުންގެ ތެރެއިން ސްވައިން ފުލޫ ޖެހުމުގެ ސަބަބުން ހަތަރުމީހަކު މަރުވެއްޖެ- ސައުދީ ސިއްހަތާބެހޭ ވުޒާރާ

މިއަހަރު ޙައްޖަށްދިޔަ މީހުންގެ ތެރެއިން ސްވައިން ފުލޫ ޖެހުމުގެ ސަބަބުން ހަތަރުމީހަކު މަރުވެއްޖެ- ސައުދީ ސިއްހަތާބެހޭ ވުޒާރާ

މިއަހަރު ޙައްޖަށްދިޔަ މީހުންގެ ތެރެއިން ސްވައިން ފުލޫ ޖެހުމުގެ ސަބަބުން ހަތަރުމީހަކު މަރުވެއްޖެ ކަމަށް ސަޢޫދީ ޢަރަބިއްޔާގެ ޞިއްޙަތާބެހޭ ވުޒާރާއިން ބުނެފިއެވެ. މިއީ ޙައްޖަށްދިޔަ މީހުންގެ ތެރެއިން ބަޔަކު ސްވައިން ފްލޫގެ ސަބަބުން މަރުވި ފުރަތަމަ ފަހަރުއެވެ.ސަޢުދީ އަރަބިއްޔާގެ ސިއްޙަތާބެހޭ ވުޒާރާއިން ހާމަކުރިގޮތުގައި ސްވައިން ފްލޫޖެހިގެން މަރުވި މީހުންގެ ތެރޭގައި ހިމެނެނީ ޢުމުރުން ހަތްދިހަ ފަސްއަހަރުން މަތީގެ މަޣްރިބު އަންހެނަކާއި، ސޫދާނު ފިރިހެނަކާއި، އިންޑިޔާ ފިރިހެނަކާއި، ސަތާރަ އަހަރުގެ ނައިޖީރިޔާ އަންހެން ކުއްޖެކެވެ. އެވުޒާރާއިން ނެރުނު ބަޔާނެއްގައި ހާމަކޮށްފައިވާގޮތުގައި މިހަތަރު މީހުންވެސް މަރުވެފައިވަނީ، ސްވައިން ފްލޫ އިން ރައްކާތެރިވުމަށް ޖަހަންޖެހޭ ވެކްސިން ނުޖެހުމާއި، އެނޫންވެސް އެފަދަ ރައްކާތެރިކަމުގެ ފިޔަވަޅުތައް ނޭޅުމުގެ ސަބަބުންނެވެ. މި ހަތަރު މީހުން ތެރެއިން ތިން މީހުން މަރުވެފައިވަނީ މަދީނާގައި ކަމަށާއި، އަނެކަކު މަރުވެފައިވަނީ މައްކާގައި ކަމަށް އެ ބަޔާނުގައި ބުނެފައިވެއެވެ. ސަޢުދީ އަރަބިއްޔާގެ ސިއްޙަތާބެހޭ ވުޒާރާގެ ތަރުޖަމާނު ޚާލިދު މަރްޤްލާނީ ހާމަކުރެއްވި ގޮތުގައި ހައްޖުވެރިންގެ ތެރެއިން ސޯޅަ މީހެއްގެ ގައިން ސްވައިން ފްލޫ ފެނުމާއި ގުޅިގެން މިހާރު ދަނީ ފަރުވާދެވެމުންނެވެ. މީގެ ތެރެއިން ހަތަރު މީހެއްގެ ޙާލު ވަރަށް ބޮޑުކަމަށް އޭނާ ވިދާޅުވިއެވެ. މީގެ އިތުރުން ހައްޖުވެރިންގެ ތެރެއިން ސްވައިން ފްލޫ ޖެހުނު ވިހި މީހަކަށް ފަރުވާދީ އެއްކޮށް ރަނގަޅުކުރެވިފައިވާކަމަށްވެސް މަރްޤްލާނީ ހާމަކުރެއްވިއެވެ.އަނެއްކޮޅުން އެޗްވަން އެންވަން ވައިރަހުގެ ބަދަލުވެފައިވާ ވައްތަރެއް ނޯވޭ އިން ފެނިއްޖެއެވެ އެޤައުމުގެ ސިއްޙަތާބެހޭ އިދާރާތަކުން އިއްޔެ ވަނީ ބުނެފައެވެ. ބަދަލުވެފައިވާ އެޗްވަން އެންވަން ފުއްޕާމޭގެ މާއެތެރެއަށް ވަންނަކަމަށާއި، މިކަމުގެ ސަބަބުން މިބަލި ހަށިގަޑުގެ ތެރެއަށް މާބާރުމިނުގައި ފެތުރިގެން ދިޔުމަށް މަގުފަހިވެގެންދާކަމަށް ނޯވޭގެ ޢާންމު ސިއްޙަތާބެހޭ އިދާރާއިން ބުނެއެވެ. މި ވައްތަރުގެ ވައިރަސް ފެނިފައިވަނީ ސްވައިން ފްލޫޖެހިގެން މަރުވެފައިވާ ދެ މީހެއްގެ ގައިންނާއި، މި ބަލީގެ ސަބަބުން ޙާލު ބޮޑުވެފައިވާ މީހެއްގެ ގައިން ކަމަށް ނޯވޭގެ އިދާރާތަކުން ހާމަކުރެއެވެ.ސްވައިން ފްލޫގެ ސަބަބުން ނޯވޭގައި ތޭވީސް މީހުން ވަނީ މަރުވެފައެވެ..

އަފްޣާނިސްތާނުގެ ސިފައިންގެ އަދަދު 2 ލައްކަ ސާޅީސް ހާހަށް މައްޗަށް ޖައްސަން ކަނޑައެޅިފައިވާ ޕްލޭނެއް އެގައުމުން ހާމަކޮށްފި

..

އަފްޣާނިސްތާނުގެ ސިފައިންގެ އަދަދު ދެލައްކަ ސާޅީސް ހާހަށް މައްޗަށް ޖައްސަން ކަނޑައެޅިފައިވާ ޕްލޭނެއް އެގައުމުން ހާމަކޮށްފިއެވެ. ސިފައިންގެ އަދަދު މައްޗަށް ޖައްސާނެކަން މިއިއުލާންކުރީ އަފްޣާނިސްތާނުގައި ހިނގަމުންދާ ހަމަނުޖެހުންތައް ވަރަށް ބޮޑަށް އިތުވަމުންދާތީ ބައިނަލް އަގުވާމީ މުޖްތަމައުން ކަންބޮޑުވުން ފާޅުކުރަމުންދާ ދަނޑިވަޅެއްގައެވެ.އިނގިރޭސިވިލާތުގެ ޚާރިޖީވަޒީރު ޑޭވިޑް މިލިބޭންޑް ވިދާޅުވެފައިވަނީ ނޭޓޯ ސިފައިން މިހާރު އަފްޣާނިސްތާނުން ފޭބިޔަސް އަފްޣާން ސަރުކާރު ވެށްޓިގެންދާނެކަމަށެވެ.އިއްޔެ އެކަނިވެސް ބޮމުގެ ހަތަރު ހަމަލާއެއްގައި އަފްޣާނިސްތާނުގައި ފަންސަވީސް މީހުން މަރާލެވިފައިވެއެވެ.

މިޔަންމާގެ އިދިކޮޅު ލީޑަރު މިނިވަން ކުރެއްވުމަށް އޮބާމާ ގޮވާލައްވައިފި

މިޔަންމާގެ އިދިކޮޅު ލީޑަރު މިނިވަން ކުރެއްވުމަށް އޮބާމާ ގޮވާލައްވައިފި

މިޔަންމާގައި ޑިމޮކްރަސީ އަށް މަސައްކަތް ކުރައްވާ އިދިކޮޅު ލީޑަރ އައުންގ ސަންގް ސޫޗީ މިނިވަން ކުރެއްވުމަށް އެމެރިކާގެ ރައިސް ބަރަކް އޮބާމާ މިޔަންމާގެ ބޮޑުވަޒީރަށް ގޮވާލައްވައިފިއެވެ. އޮބާމާ މިކަމަށްގޮވާލައްވާފައިވަނީ އާސިޔާން ގައުމުތަކުގެ ލީދަރުންނާއެކު ސިންގަޕޫރުގައި ބޭއްވެވި ބައްދަލް ވުމެއްގައި ކަމަށްވެއެވެ. ވައިޓް ހައުސްގެ ޕްރެސް ސެކްރެޓަރީ ވިދާޅުވީ ރައީސް އޮބާމާ ، އައުން ސަންގ ސޫޗީގެ މައްސަލަ ނަންގަވާފައިވަނީ ބޮޑުވަޒީރާ ސީދާ ބައްދަލް ކުރައްވާ ފައެވެ . އައުންގ ސަންގ ސޫޗީގެ ގޭބަންދުގެ މުއްދަތުވަނީ ، މިއަންނައަހަރު ބޭއްވުމަށް ހަމަޖެހިފައިވާ އިންތިޚާބް ފަހަނައަޅާދާގޮތަށް އިތުރު ކޮށްފައެވެ .