މިނިވަންކަން
މިނިވަން ކަމެތޯއެވެ. މިނިވަންކަމޭ ބުނުމުން ތަފާތު މުޖުތަމައުތަކާއި ތަފާތު ޤައުމުތައް، އަދި ތަފާތު ދީންތައް، މިނިވަންކަމާމެދު ދެކޭނަޒަރު ހިތަށް އިހުސާސްވެއެވެ. ތަފަތު މުޖުތަމައުތަކުގައި މިނިވަންކަމުގެ މާނަތަފާތެވެ. ތަފާތު ޤައުމުތަކާއި ތަފާތު ދީންތައްވެސް މެއެވެ.
ޝައްކެތްނެތެވެ. މިހަޤީޤަތް މިހެން އޮތްއިރު މިނިވަންކަމުގެ މާނަ އެއް މިންގަޑަކުން މިނުންވަނީ ދަތިކަމަކަށް ވެފައެވެ. އަހަރެމެންގެ މާތްވެގެންވާ އިސްލާމް ދީނަކީ ދީންތަކުގެ ތެރެއިން އެންމެ މާތްދީނެވެ.އެމާތްދީނުގައި އަހަރެމެންނަށް ދެއްވާފައިވާ މިނިވަންކަން ވަރަށްވެސް ބޮޑެވެ. ނަފުސުގެ މިނިވަންކަމެވެ.ޖަމާއަތުގެ މިނިވަންކަމެވެ.ޤައުމުގެ މިނިވަންކަމެވެ. އަދިކޮބައިތޯއެވެ. އުއްމަތުގެ މިނިވަންކަމެވެ.
ހަނދާނަށް ގެންނަމާ ހިގާށެވެ. ކަކު އިތުރު ރަސޫލުﷲ ޞައްލަﷲ އަލައިހި ވަސައްލަމަ މަދީނާއަށް ހިޖުރަކުރެއްވުމަށް ފަހު، އިސްލަމީ އުއްމަތުގެ ބިންގާ އެޅުއްވި ހަރުދަނާ މިނިވަންސިޔާސަތެވެ. އެމަތިވެރި ހިކުމަތްފުޅުގައި ސުލްހަ މަސްލަހަތު، އަމަންއަމާންކަން، އަދި ކީއްތޯއެވެ. މިނިވަންކަން ގެންނަވާފައިވަނީ އެފަދަ ދެވަނަ ޤާނޫނެއްގައި ކަނޑައެޅިފައިނުވާ ފަދަ އޮމާންކަމާއިއެކުގައެވެ. މަދީނާގައި ދިރިއުޅޭ އެހެން ދީންތަކުގެ އަހުލުވެރިންނާއެކު ކީރިތި ރަސޫލާ ކުރެއްވި މުއާހަދާ ނުވަތަ އެގުރިމެންޓް، އެހެން އިބާރާތަކުން ދަންނަވަނަމަ އަސާސީ ހައްޤުތަކުގެ ޤާނޫނުގައި ކޮންމެ ބަޔަކަށްވެސް މިނިވަންކަން ވެއެވެ. އެބަޔަކު އަޅުކަންކުރާ ފަރާތްތަކަށް އަޅުކަންކުރުމުގެ މިނިވަންކަމެވެ. އެކަމާ އެހެންބަޔަކު ނުބެހުމުގެ މިނިވަންކަމެވެ. މިއީ މިފަދަ މުއާހަދާއެއްގެ ދަށުން މިނިވަންކަމަށް ފުރަތަމަ އެކުލަވާލެވުނު އަސާސީ ޤާނޫނެވެ. އެހެނަސް އެހެން އުއްމަތްތަކުގެ އަހުލުވެރިން މުސްލިމުންނާމެދު ދެކޭ ނަޒަރަކީ އަޅުވެތިކަމުގެ ނަޒަރެވެ. މިއަދު ދުނިޔޭގެ ޤާނޫނަށް ބެލިކަމުގައިވިޔަސް މީގެތެދު ހަޤީޤީ އަސަރުތައް ފާޅުކަން ބޮޑުގޮތެއްގައި ފެނިފެނި އެބަހުއްޓެވެ. އިސްލާމީ ޤައުމުތަކާއިމެދު ދުނިޔޭގެ ޤާނޫނުގައި އޮންނަ މިނިވަންކަން ކުޑަކަމީ މީގެ ފާޅުކަން ބޮޑު ދަލީލެކެވެ.
ކަން މިހެންހުރިއިރު އިސްލާމީއުއްމަތުގެ އަހުލުވެރިން މިކަމާމެދު ކުރަންޖެހިފައިވާ ފިކުރު ނިހާޔަތަށް ބޮޑު ކަމުގައި ދަންނަވަން ޖެހެއެވެ. މިއި ކުރިންދެންނެވި ޙަޤީޤަތައް ބާރުދޭ ހެއްކެއް ކަމުގައި ނުވެ ނުދާނޭކަން ކަށަވަރެވެ.
އާދޭހެވެ. އެކި ޤައުމުތަކުގެ މިނިވަންކަން އޮތް ގޮތަށް ބަލާލަމާހިގާށެވެ. ބައެއްޤައުމުތަކުގައި އެއްޖިންސުގެ ދެމީހުން ކައިވެނިކުރުމުގެ މިނިވަންކަން އޮން1ނައިރު އަނެއްބައި ޤައުމުތަކުގައި ރޯ އޮރިޔާމާ އުޅުމުގެ މިނިވަންކަންވެސް އެޤައުމުގެ ޤާނޫނުގެ ދަށުން ލިބިފައި ވެއެވެ. ދެންހުރި ޤައުމުތަކުގެތެރެއިން ބައެއް ޤައުމުގައި މިގޮތަށް އުޅުންމަނާ ކުރެވިފައިވި ނަމަވެސް އޮރިޔާން ފޮޓޯތައް ބެލުމާއި އޮރިޔާން ފިލުމް ބެލުމުގެ މިނިވަންކަން އޮންނަނީ ޢާއްމު ކުރުވާފައެވެ. އެހެނެއް ކަމަކު ދިވެހިންގެ މިނިވަންކަން މިހުރިހާ ކަމަކަށް ނަފުރަތު ކުރެއެވެ. އެހެނީ މުސްލިމު ޤައުމަކަށް ވިތީއެވެ.
ހިތާމަ ހުއްޓެވެ. މިފަދަ މިނިވަންކަމުގަ އަހުލުވެރީންގެ ފަހަތުން ސައްތައިން ސައްތަ ދިވެހިން ކެއްތެރިކަން ކުޑަވެފައިވާ ހާލު ދުވާކަމަށްޓަކައެވެ. ''ކޯވަރެއް" ބޮލުމުގެ މިނިވަންކަމަށް ދައުވާ ކުރާ ދިވެހީން އިތުރުވަމުން ދާކަމަށް ޓަކައެވެ. ''ގުޑުގިޑާގެ މަސްތީ ދުނިޔެއަށް'' އިންތިޒާރުކުރާ ދިވެހީންގެ ލިސްޓް ދިގުވަމުން ދާކަމަށްޓަކައިވެސް މެއެވެ. ލޯވަޅުތަކުން އައުރަދެއްކުމުގެ އުފާ ހާޞިލްކުރަން އުޅޭ ދިވެހީންގެ ޢަދަދު މަދުނުވާ ކަމައްތަކައެވެ. ނިވަކުރުމަށް ބޭނުންކުރެވޭ ހެދުންތައް ދިގުވެ، ބުރިކުރަމުންދާ ދިވެހީންގެ ބައެއްމީހުން އިތުރުވާކަމަށްޓަކައެވެ. މިފަދަ ކޮންމެ ކަމަކަށް ހެޔޮބަހެއްބުނެފި މީހަކު މިނިވަންކަމާބެހެނީ ކަމުގައި ބުނެއުޅޭކަމަށްޓަކައެވެ. މަންމައާއި ބައްޕައަށްވެސް އެފަދަ ދަރިންގެމައްޗައް ބަސް ނުވިކިގެން އުޅޭމަންޒަރު ފެންނަ ކަމަށްޓަކައެވެ. ހިތާމައިގެ ކޮޅައް ހިތާމަހުއްޓެވެ.
ދިރިއުޅުމުގެ ހަޔާތަށް ނިކުތުމަށްޓަކާ ފަހު ފަލިތިބި ދަރިވަރުންނޭވެ! ތިޔަކުދިންގެ ކުރިމަތީގައި މިނިވަންކަމުގެ މާނަ އޮޅިގެން ނުދާ
ފަދަ ހަރުދަނާ އީމާންކަމުގެ ޒީނަތްތެރި ހެދުމަކުން ހެދުން އަޅާށެވެ. އެކިފަރާތްތަރުން މިނިވަންކަމާމެދު ދެކޭގޮތް ރަގަޅައް ދިރާސާ ކުރާށެވެ.
ބާއްޖަވެރި ހަޔާތެއްގެ އެދުމުގައެވެ. ވަކިފަރާތަކައްޓަކައި ހިތުގެ އީމާންކަން އިތުރު ކުރުމުގެ މަގުޝަދުގަވެ. ހެއްދެވިފަރާތަށެވެ. މިނިވަންކަމުގެ
މަތިވެރި ނަމޫނާ ދެއްކެވި މާތް ރަސޫލާއަށެވެ. އިސްލާމްދީނުގެ މަތިވެރި އުސޫލާއެއްގޮތްވާ ގޮތުގެ މަތީންނެވެ.
ކުދީންނޭވެ! ހިތަށް އެރިހާގޮތަކަށް އުޅުމުގެ މިނިވަންކަމަކީ އެއްވެސްއިރެއްގަ އެއްވެސް ތާކު އޮތް މިނިވަން ކަމެއް ނޫނެވެ.
ކޮންމެ ދީނެއްގަވެސް ވަކި ވަކިކަންތައްތަކަކަށް މިނިވަންކަން ދެވިފާވާއިރު އަނެއްބައި ކަންތައް ތަކަކީ ދީންމަނާކުރާ ކަންތައްތަކެވެ.
އެކިގައުމުތަކާއި އެކި މުޖްތަމަޢު ތަކުގައިވެސް އެކަންއޮތީ ހަމައެހެންނެވެ.
0 ޚިޔާލު:
Post a Comment